News

የኢትዮጵያ ሴቶች የዉሃ ማህበር አባላት 8ኛውን የውሃ፣ የዉሃ ዲፕሎማሲ እና ተግባቦት መድረክ ተሳተፉ፡፡

የኢትዮጵያ ሴቶች የዉሃ ማህበር አባላት አዲስ አበባ ሳይንስና ቴክኖሎጂ ዩኒቨርሲቲ ከውሃና ኢነርጂ ሚኒስቴር የጋራ ትብብር ያካሄደዉን 8ኛውን የውሃ፣ የዉሃ ዲፕሎማሲ እና ተግባቦት መድረክ ተሳትፈዋል፡፡

በዕለቱ  የውሃና ኢነርጂ ሚኒስትር ክቡር ዶ/ር ኢንጂነር ሃብታሙ ኢተፋ ተገኝተው የአውደ ጥናቱን ቁልፍ መልዕክት ያስተላለፉ ስሆን በአውደ ጥናቱ ላይ የምርምር ፅሁፎች ቀርበዋል፡፡ በዚህም ኢትዮጵያ ከውሃ ሃብቷ የሚገባትን ድርሻ መጠቀም እንዲትችል ዩኒቨርሲቲዎች ፤ባለድርሻ አካላት እና ሚዲያዎች በውሃ፣ በዉሃ ዲፕሎማሲ እና ተግባቦት ላይ ጠንካራ ስራ መስራት እንደሚገባቸው ተገልጿል ፡፡ ከዚህ በተጨማሪ የትምህርት ተቋማት በውሃ ሃብት ላይ ተግባራዊ የምርምር ስራዎችን መስራት እንደሚያስፈልግ ተጠቁሟል፡፡ በእለቱ የአዲስ አበባ ሳይንስና ቴክኖሎጂ ዩኒቨርሲቲ ፕሬዚደንት ዶ/ር ደረጀ እንግዳ በበኩላቸው ዩኒቨርሲቲው ሳይንሳዊ ምርምሮችን በማካሄድ ለሀገር ገንቢ የሆኑ ግብዓቶችን ማበርከት የሚጠበቅበት መሆኑን ጠቁመው በዩኒቨርሲቲው ከተቋቋሙት ስምንት የልህቀት ማዕከላት ውስጥ ሁለቱ ከውሃ እና ከውሃ ሀብት አጠቃቀም ጋር መሰረት አድርገው የሚሰሩ ናቸው ብለዋል፡፡ ፕሬዚደንቱ አያይዘውም መሰል የጥናት ሁነቶችን ከባለድርሻ አካላት ጋር በመሆን ለማካሄድ ዩኒቨርሲቲው ዝግጁ ነው ብለዋል፡፡ በመጨረሻም በቀረቡት የምርምር ስራዎች ላይ ርዕሰ ጉዳዩን የሚያጠናክሩ ምክረ-ሃሳቦች ከተሳታፊዎች ቀርበዋል፡፡

መጋቢት 29 ቀን 2015 ዓ.ም